Þorsteinn heimsóttur á afmælisdaginn

Við í nefndinni sem hélt utan um árgangsmótið 2007 heimsóttum Þorstein í dag (mánudag 14.jan 2008) á afmælisdegi hans og gáfum honum þann pening sem eftir varð eftir að öll útgjöld höfðu verið greidd af síðasta árgangsmóti.

Upphæðin var 50 þúsund krónur sem við teljum að séu betur varið í höndum Þorsteins og Hrefnu en að liggja bankabók og safna ryki þar til við hittumst aftur eftir 5 ár.

Það var ótrúlega gott að sjá hve langt Þorsteinn hefur náð á þessu tíma síðan hann var laggður í hraði inná spítala í september aðeins nokkrum dögum eftir árgangsmótið. Við spjölluðum við hann um heima og geima og það sem kom mér mest á óvart er að hann heldur enn með Liverpool en er að eigin sögn farinn að langa rosalega í  Manchester búning (þið sem langar að gefa honum afmælisgjöf þá er þetta góð hugmynd) 

Hann er nú vonandi í næstu viku að verða "dagmaður" á Grensás sem verður frábært því að vera burt frá heimilinu sínu í 5 daga í senn er ekki eitthvað sem menn vilja til lengdar. 

Við óskum Þorsteini innilega til hamingju með 30 ára afmælið og óskum honum þess að batinn haldi áfram að taka þessi 2 skref áfram, þó við og við komi eitt til baka (enda einsog hann sagði sjálfur þá er það ágætt til að verða ekki of bjartsýnn)

Til hamingju með daginn Steini.

 

Athugasemdir

[Þorsteinn (IP-tala skráð) 15.1.2008 kl. 11:15]

Verð nú að segja að þetta kom mér mikið á óvart varðandi gjöfina, en er gríðarlega þakklátur og vil ég þakka öllum fyrir. Eins og stendur hér fyrir ofan þá gengur þetta mjög vel og sérstaklega þá eftir jól þar sem ég var í hjólastól öll jólin en er núna aðeins á hækjun. Að verða 30 ára eða kominn á fertugsaldur er bara þó nokkuð góð tilfinning verð ég að segja og getið þið sem yngri eruð andað því rólegar. En aftur takk fyrir okkur við erum mjög þakklát fyrir þetta.

Kveðja Þorsteinn Elías Þorsteinsson

[Gaui (IP-tala skráð) 23.1.2008 kl. 05:53]

Ynnilega til hamingju með 30 ára afmælið Steini og stígvaxandi bata. Það er gott að geta fylgst með þér hérna á síðunni og séð þig taka skrefin fram á við. Kærar kveðjur, óska þér góðs bata og bið reglulega fyrir þér karlinn.

Gaui

[Ragnar Birkir (IP-tala skráð) 25.1.2008 kl. 23:36]

frábært að geta fylgst með þér þorsteinn og fá að lesa hve vel þér gengur - langaði að senda þér kveðju og segja þér að ég hugsa oft til þín og fjölskyldunnar þinnar. Langaði líka segja að það er gaman að fylgjast með hve árgangurinn er að verða þéttur það er skemmtilegt að sjá það - það þýðir  bara það að við erum svo sannarlega að verða fullorðinn - as scaru as that sounds:) kv.Ragnar Birkir Bjarkarson