Minningarstund 5.september um Ágúst Bjarnason

Það hefur skapast sú hefð hjá öllum árgöngum Vestmannaeyja að fara að leiði látinna bekkjafélaga og minnast þeirra í stuttri minningarstund. 

Þetta árið hefur því miður bæst við einn bekkjafélagi síðan fyrir 5 árum þegar við hittumst síðast. Það er hann Ágúst Bjarnason sem lést í desember síðasliðnum.

Þar sem Ágúst er jarðaður í Mosfellsdal hefur komi upp sú hugmynd að árgangurinn myndi fara saman að leiðinu hans fyrir árgangsmótið.

Það hefur því verið ákveðið að koma saman miðvikudaginn 5.september í Kirkjugarðinum í Mosfellsdal kl 20:00.  Þetta er miðvikudagurinn fyrir árgangsmót semsagt.

Svo mun að sjálfsögðu verða farið að leiði Sigurjóns Steingrímssonar á árgangsmótinu. 

Þeir sem ekki rata að kirkjugarðinum geta hópað sig saman kl. 19:35 við Kentucky Fried Chicken Í Mosfellsbæ og þar mun vera bíll sem ekur rétta leið.. 

Athugasemdir

[Þórey Svava (IP-tala skráð) 23.8.2007 kl. 15:10]

Sælir bekkjarfélagar.

Þetta er stórsniðug hugmynd, vonandi geta margir tekið frá smá tíma til að hittast þarna saman.

Ég vil minna ykkur á að borga gjaldið svo að nefndin geti haldið áfram sínum störfum, það þarf að huga að ýmsum málum og mjög nauðsynlegt er að fá lokatölu á fjölda.

Þannig að drífið ykkur nú að staðfesta greiðsluna, elskurnar mínar.

Mikið verður gaman að hitta allt gengið aftur..

Kær kveðja

Þórey Svava

[Kristín Inga (IP-tala skráð) 23.8.2007 kl. 17:03]

Ég er sammála því að þetta er mjög sniðug hugmynd og vonandi mæta sem flestir.

Ég vona að sem flestir komi líka á árgangsmótið því það verður frábært að hittast aftur. Það var svo skemmtilegt síðast hjá okkur og þetta verður örugglega jafn skemmtilegt og þá.

[Stebbi Steindórs (IP-tala skráð) 24.8.2007 kl. 10:21]

Ja ef ekki skemmtilegra...... Fjör fjör... Já og svo má ekki gleyma að til að kóróna þetta allt saman geta þeir sem vilja rifja almennilega hvernig á að skemmta sér á balli í Eyjum..  .Ég ætla allavega á ball

[Þórey Svava (IP-tala skráð) 25.8.2007 kl. 13:12]

Ég var einmitt að frétta að það yrði ball hérna með Vinum vors og blóma Frekar mikil stemmning í því.

 Svo er nú ekki leiðinlegt að vita að það er nóg um að vera hérna, ég held að það séu tvö eða þrjú árgangsmót þessa sömu helgi, þannig að eyjan verður stútfull af FJÖRI:)

Jæja, sjáumst eftir nákvæmlega 13 daga...niðurtalning er hafin.

Ciao bella

Þórey Svava

[Hlynur Rafn (IP-tala skráð) 26.8.2007 kl. 22:04]

Vil hvetja alla til að mæta að leiðinu hjá þessum sómadreng þann 5. sep.

kv. Hlynur

[Diddi (IP-tala skráð) 28.8.2007 kl. 14:56]

Tek undir það með Hlyn að vonandi geta sem flestir mætt að leiðinu og vottað Ágústi virðingu sína þann 5.sept. nk.

Diddi

[Stebbi Steindórs (IP-tala skráð) 28.8.2007 kl. 20:34]

Ég efast ekki um að fólk sjái sér fært að mæta þarna að leiðinu..